“Бунёдкор” – “Андижон” учрашувидан кейинги матбуот анжуманининг биринчи қисмида “бургутлар” устози Бахтиёр Ашурматов иштирок этди.

- “Бунёдкор” бугун класс ва индвидуал маҳорат эвазига ғалаба қозонди. Рақиб таркибидаги футболчилар бежизга терма жамоага чақирилмаётганликларини исботлашди. Бундай жамоага қарши ўйнаш осон эмас. Қолаверса, бизнинг таркибда йўқотишлар бор эди. Негадир, баъзи сабаблар туфайли охирги ўйинларда оптимал таркибни йиға олмаяпмиз. Бизда 3 нафар тенг кучли дарвозабон бор. Ҳаммасига имконият берилган ва берилмоқда. Ҳар бир ўтказилган голда дарвозабоннинг айби бўлади. Лекин бугунги посбонимиз яққол хато қилди, деб ўйламайман. Ўйин арафасида 0:0 ҳисобини қанча кўп ушлаб турсак, рақиб асабийлашиши ва бизда имкониятлар бўлишини шогирдларимга уқтиргандим. Аммо бу режамиз иш бермади. Рақиб тезкор гол урди. Баҳона қилмоқчи эмасман, ютқазган ўйинларда мураббий ва жамоа ютқазади”, - дейди Бахтиёр Аъзамович.