Шимолий Ирландия терма жамоасининг футболчиси Патрик Маккорт терма жамоа сафида Европа чемпионатида иштирок этишдан нега воз кечганини гапириб берди.
32 ёшли футболчи оғир касалликка дучор бўлган хотини туфайли шу ишни қилганини айтди.
"Менга шифокорлар қўнғироқ қилиб, хотиним олдин ҳам тез-тез ҳушидан кетиб қолармиди деб сўрашди. 48 соат ўтгач, ташҳисни эълон қилишди. Мияда хавфли ўсимта бор экан. Мен бош мураббий Мартин О'Нилга қўнғироқ қилиб, терма жамоа билан бирга бўлолмаслигимни тушунтирдим.
Мен Евро ҳақида умуман ўйламадим, фикру ҳаёлим Лорада бўлди. Биз жарроҳлик амалиётини кутяпмиз. Футбол мен учун муҳим, лекин оилам биринчи ўринда", - деди Маккорт "Таймс" хабарига кўра.
