Машҳур футбол агенти Мино Райола Златан Иброҳимович «Манчестер Сити» клубининг янги бош мураббийи Хосеп Гвардиоладан қасос олиш ниятида эканини гапирди.
«Ўйлашимча, Златан Гвардиоладан қасос олиш ўтида ёнмоқда. Бир пайтлар Гвардиола у билан келишолмай, “Барселона”дан ҳайдаб юборганди.
Энди тақдир тақозоси билан улар яна учрашиши мумкин. Ҳозирча у Швеция терма жамоаси билан банд. Европа чемпионати тугагач эса якуний қарорини эълон қилади.
Баъзан омадсизликлардан кўп нарса ўрганиш мумкин. Златан Гвардиола билан юзага келган можародан тўғри хулосаларни чиқариб олди», — деди Райола ESPN хабарига кўра.
