Бугун бўлиб ўтган “Нефтчи”- “Насаф” (2:2) учрашувидвн сўнг ўтказилган матбуот анжуманининг иккинчи қисмида “Насаф” устози Рўзиқул Бердиев журналистлар саволларига жавоб берди.
-Бу ўйинга келишдан аввал бизда таркиб руҳий жиҳатдан катта муаммо бор эди. Беш нафар асосий таркиб футболчиларимиз бугун бизга ёрдам бера олишмади. Шу сабабдан ўрта чизиқда бошқа чизиқдаги футболчиларимизни ўйнатишга мажбур бўлдик.
-Ўйинга тўхталадиган бўлсак, ниҳоятда қийин ўйин гувоҳига айландик. “Нефтчи” анча шаклланган жамоа ва бугун ҳар жабҳада ўзини кўрсата олди. Шундай бўлсада биз бугун сўнги дақиқаларда ҳисобни тенглаштирдик ва ўйиндан бир очко ишлаб олдик. Бу ҳам қайсидир маънода бизга юпанч берадиган натижа бўлди. Албатта биз бугун майдонга уч очко учун келган эдик, аммо якунда бир очко билан қайтадиган бўлдик.
“Насаф” бугун бир очко ишлаб олдими ёки икки очко йўқотдими?
– Биз 2:1 ҳисобида орта бораётиб дуранг натижа қайд этдик. Аммо шуни таъкидлаш жоизки, биз бугун ютқазиб ҳам қўйишимиз мумкин эди. Чунки Санжар бир вазиятда бизни голдан қутқариб қолди ва пеналтидан рақибимиз гол ура олмади. Аммо пеналтидан сўнг юзагакелган қулай имкониятдан фойдаланганимизда ғалабани илиб ҳам кетишимиз мумкин эди.
“Насаф” да тенг кучли икки нафар дарвозабон бор, лекин сиз бу ўйинда Санжар Қувватовга имконият бердингиз…
-Ўзингиз айтиб ўтганингиздек бизда тенг кучли иккита дарвозабон бор ва биз уларга бир хилда имконият берамиз.
Сиз ўтган ўйиндан кейин хакамларга эътироз билдирдингиз, бугун ҳам эътирозингиз борми?
-Мен одатда ҳакамларга эътибор бермай келаётган эдим, аммоўтган ўйиндан буён ҳакамларнинг ҳаракатларига эътибор бераман. Менимча бугун иккала жамоада ҳам ҳакамга эътироз бўлмаса керак, ҳакамлар бугунги ўйинни муносиббошқаришди.
Азамат Умаров ёзиб олди
