Мамлакатимиз чемпионатининг 13-тур доирасида бўлиб ўтган “Шўртан” – “Пахтакор” учрашувидан сўнг, ушбу ўйинда хет-трик қайд этган ва учрашув қаҳрамонига айланган ҳужумчимиз – Зафар Полвоновни ўйиндаги таъсуротлари билан қизиқдик.

Учрашувга жиддий тайёргарлик кўрган эдик. Рақибимизнинг ўйинларини кўриб, таҳлил қилиб ўрганиб чиқишга ҳаракат қилгандик. Бугун бу ўз натижасини кўрсатди. Жамоадошларим билан бирдамликда ҳаракат қилиб ғалаба қозонганимиздан хурсандман. Ҳужумчиларнинг доим ҳам гол уришга имкониятлари бўлмайди. Ҳужумчилар доим ўз устида ишлаши керак. Бугун омад менга кулиб боққан экан, бир эмас учта гол уришга муяссар бўлдим. Бу албатта жамоадошларим ёрдами билан бўлди. Ўйлайманки урган голларим, ўзимга бўлган ишончни ошишига ёрдам берса ажабмас. Бу ғалаба билан чегараланиб қолмасдан, кейинги турларда ҳам муҳлисларимизни чиройли ўйинларимиз ва ғалабаларимиз билан хурсанд қилишга ҳаракат қиламиз.