АҚШда давом этаётган Америка кубогининг дастлабки финалчиси аниқ бўлди.

Аргентина терма жамоаси бугун мезбонларга қарши майдонга тушди ва йирик ҳисобда ғалаба қозонди. Гонсало Игуаин чорак финалда бўлгани каби бу сафар ҳам "дубл"га эришди. Лавесси ва Месси ўз ҳисобига биттадан гол ёзишди. Жаримадан жуда чиройли гол урган Лионель, иккита голга асситентлик қилганини таъкидлаш лозим.

АҚШ эса рақибга ҳеч қандай қаршилик қила олмади ва Аргентинанинг 4та голига жавоб қайтара олмади. Иккинчи финалчи номи эртага тонгда бўладиган Чили ва Колумбия терма жамоалари ўртасидаги ўйинда аниқланади.

Америка кубоги, ярим финал
АҚШ – Аргентина 0:4 (0:2, 0:2)
Голлар: 0:1 – 3 Лавесси, 0:2 – 32 Месси, 0:3 – 50 Игуаин, 0:4 – 86 Игуаин.
АҚШ – Гьюзан, Йедлин, Кэмерон, Брукс, Жонсон, Зардес, Брэдли, Беккерман (Бирнбаум, 60), Зуси, Вондоловски (Пулишич, 46), Демпси (Нагбе, 78).
Аргентина – Ромеро, Меркадо, Отаменди, Фунес Мори, Рохо (Куэста, 84), Фернандес (Биглия, 59), Маскерано, Банега, Месси, Игуаин, Лавесси (Ламела, 67).
Огоҳлантириш: Вондоловски (31).