Кеча "Навбаҳор" жамоаси ўз майдонида "Металлург"га имкониятни бой бериб, қимматли очколардан маҳрум бўлди.

13-турдан сўнг жамоа атиги 11 очко жамғарган ҳолда мусобақа жадвалининг 13-поғонасидан жой олиб турибди. Ушбу кўрсаткич жамоанинг сўнгги 8 йил ичидаги энг ёмон натижасидир. Сўнгги марта "Навбаҳор" 2008 йилги мавсумнинг 13-туридан сўнг 10 очко жамғарганди. 

2016 йил - 11 очко
2015 йил - 15 очко
2014 йил - 16 очко
2013 йил - 15 очко
2012 йил - 14 очко
2011 йил - 13 очко
2010 йил - 19 очко
2009 йил - 16 очко
2008 йил - 10 очко

Қизиғи, жамоанинг ҳозирги ҳолати 2008 йилги "Навбаҳор"ни эслатиб юборяпти. Ўшанда 5-турдан сўнг "Навбаҳор" бош мураббийи Толиб Бобоев истеъфога чиқарилганди. Ўрнига тайинланган унинг ёрдамчиси қозоғистонлик Асқар Қўшиқбоев 1-давра якунигача ҳам ишлай олмаганди. Ҳозир ҳам шунга ўхшаш вазият. Рашид Ғофуров 6-турдан сўнг жамоадан кетди. Ғофуровга ёрдамчи мураббий бўлган Александр Волков 7-турдан то 13-тургача "Навбаҳор" бош мураббийи бўлди.

2008 йилги мавсумда жамоани 4 та мутахассис бошқарганди: Толиб Бобоев, Асқар Қўшиқбоев, Рустам Абдуллаев ва Мустафо Байрамов. Ўша йилги чемпионатни "Навбаҳор" 13-ўринда якунлаганди. 

Ишқилиб, тарих такрорланмасинда!