Швеция терма жамоаси бош мураббийи Эрик Хамрен Бельгия (0:1) терма жамоасига қарши ўйиндан сўнг ўз фикрларини билдириб ўтди.
“Жудаям афсусдаман. Ўйиндан олдин яхши тайёргарлик кўргандик. Ютқазган бўлсакда, футболчиларим билан фахрланаман. Иброҳимович терма жамоадаги фаолиятини яхшироқ натижа билан якунласа керак деб ишонгандим. Бу Исакссон ва Чельстрёмга ҳам тааллуқли, улар ҳам анча йиллардан буён терма жамоа шарафини ҳимоя қилиб келишган.
Янги Златан? Йўқ, у ўзига хос, ноёб футболчи. Швециядек кичик мамлакатда унга ўхшаш бошқа футболчи топилмаса керак” - деди Хамрен УЕФА расмий сайтида.
