Исландиялик пауэрлифтер (оғирлик кўтариш бўйича спортчи) Магнус вер Магнуссон Португалия терма жамоаси ҳужумчиси Криштиану Роналду устидан кулди.
Ер куррасининг энг кучли кишиси совринини 4 марта ютиб олган Магнуссон, Роналду томонидан айтилган: “Исландия мусобақада ҳеч нарсага эриша олмайди” - деган гапларини эслатди.
“Муҳтарам Криштиану Роналду, Исландия ҳеч қачон ҳеч нарса ютолмайди деганингда F гуруҳидаги вазият бундай бўлишини кутмаган эдинг шекилли. Сенга омад, лаънати худбин!” - деб ёзди Магнуссон фейсбук саҳифасида.
Эслатиб ўтамиз, Исландия терма жамоаси гуруҳда 2-ўринни эгаллаб, Португалиядан ўзиб кетишга муваффақ бўлганди.
