Қозоғистон футбол федерацияси 2016 йил январь ойидан буён терма жамоа бош мураббийи вазифасини бажариб келаётган Талгат Байсуфиновни расман бош мураббий қилиб тайинлади. Терма жамоа мураббийлари штабига Нуркен Мазбаев, Юрий Новиков ва Андрей Ферапонтов ҳам киритилди.
Байсуфинов бошчилигида Қозоғистон 3та ўйин ўтказди. Озарбойжон ва Хитойни мағлуб этиб, Грузия билан дуранг қайд этди.
Қозоғистон терма жамоаси кузда ЖЧ-2018 саралаш ўйинларига киришади. Биринчи ўйинда, 4 сентябрь куни Польша терма жамоасини қабул қилади.