Хорватия терма жамоасининг собиқ бош мураббийи Мирослав Блажевич Евро-2016 нимчоракфиналидан ўрин олган Хорватия – Португалия ўйинидан олдин ўз фикрларини билдириб, португалияликлар шаънига “илиқ” сўзларни гапирди.
“1982 йилдан буён Португалияни жиним суймайди. Динамо (Загреб) билан Европа чемпионлар кубогида “Спортинг” клубига қарши ўйнагандик. Рақибимиз ҳакамларга пора бериб, уларни оғдириб олишгани сабабли, иккита тоза голимизни инобатга олишмаган. Босния терма жамоасида ишлаганимда ҳам шундай бўлган, ҳакамларни сотиб олишган. Улар спортдаги ҳалол кураш нималигини билмайдиган нопок одамлардир” - деди Блажевич Slobodna Dalmacija хабарига кўра.
Эслатиб ўтамиз, Хорватия – Португалия ўйини 25 июнь куни Ланс шаҳрида бўлиб ўтади.
