Франция терма жамоасининг собиқ ҳимоячиси Вильям Галлас Евро-2016 нимчоракфиналидан жой олган Франция – Ирландия ўйинида, ирландияликлар ўч олиш ниятида эканлигини гапирди.
Эслатиб ўтамиз, ЖЧ-2010 саралаш босқичининг плей-офф баҳсида Франция – Ирландияни мағлуб этган ва ҳал қилувчи гол уриш чоғида Тьери Анри қўли билан ўйнаганди.
“Ирландия ўч олмоқчи. Ишончим комил, бош мураббий 2009 йилдаги ўйинни албатта эслатади. Улар ҳеч нарсани унутишгани йўқ. Ўйин жуда кескин бўлади. Мен Анри гол урган вазиятда узоқроқда эдим, ирландияликлар дарҳол ҳакамга норозилик билдиришди. Нима гаплигини тушунмагандим. Ўйиндан кейин эса ҳаммаси аён бўлганди” - деди Галлас L'Equipe хабарига кўра.
