Бугундан Европа чемпионатида плей-офф баҳслари бошланади. Мухлисларни бугун оқшомда 3та баҳс кутиб турибди. Учрашувларга қисқача превью шаклади тўхталиб ўтамиз.

Швейцария ва Польша терма жамоалари гуруҳ босқичида голлар сони бўйича анча камтар натижа қайд этишди. Учта ўйинда Швейцария 2та гол уриб, битта гол ўтказган бўлса, Польшанинг бу борадаги кўрсаткичи 2-0 кўринишда бўлди. Ўйин томонлама эса ҳар иккала терма жамоа ёмон ҳаракат қилишмади. Жумладан, Владимир Петкович бошчилигидаги швейцарияликлар Руминияга қарши ўзларинниг энг яхши ўйинларидан бирини намойиш қилишди. Польяклар Германияга қарши тенгма-тенг ўйин кўрсатишди, ҳаттоки, баъзи вазиятларда хавфлироқ ҳам кўринишди.

Роберто Левандовскига алоҳида эътибор қаратилган. "Бавария" ҳужумчиси ушбу мусобақада ҳали голлари сонини очмади. Польшанинг голларни Милик ва Блашчиковски киритишди. Роберт эса рақиблар дарвозаси томон бир мартагина зарба берди, холос. Шунга қарамай, Левандовски жамоаси учун фойдали ҳаракат қилмоқда. У рақибларнинг ҳимоясини ўзига жалб қилиб, жамоадошларига имконият яратмоқда, хавфли узатмалар билан 5 марта шерикларини зарбавор вазиятларга чиқарди. Балки Левандовскининг ўзи ҳам гол урадиган пайт келгандир. Боз устига, ҳужумчи Бундеслига орқали Родригес, Шер ва Журу каби ҳимоячиларнинг ожиз томонларини яхши билиши керак.

Швейцария терма жамоаси жамоавий ўйин орқали натижа кўрсата олишини гуруҳ босқичида исботлади. Бу терма ҳимояда яхши ўйнаш билан бирга рақибнинг биргина хатосидан фойдаланишни яхши билади.

Евро-2016. Нимчорак финал
18:00. ШВЕЙЦАРИЯ - ПОЛЬША
Имкониятлар — 50-50