«Челси» ва Испания терма жамоасининг яримҳимоячиси Сеск Фабрегас Италия терма жамоаси бош мураббийи Антонио Конте билан бўлган учрашув ҳақида гапириб берди. Эслатиб ўтамиз, Конте Евро-2016дан сўнг “Челси” клубида иш бошлайди, Испания эса Италия терма жамоаси билан Евро-2016 нимчоракфиналида 27 июнь куни тўқнаш келади.
«Бироз суҳбатлашдик, у менда яхши таассурот қолдирди. У ажойиб мураббий, унда ғолиблик руҳи устун. У мендан нимани истаётганини тушунтириб берди. У билан бирга ишлашни интизорлик билан кутяпман, умид қиламанки у «Челси» клубида тезроқ иш бошлайди, масалан сешанба кунидан бошлаб» - деди Фабрегас Gazzetta dello Sport хабарига кўра.
