Мисрнинг “Ал-Аҳли” клуби ўз тарихида 38-марта Миср чемпиони бўлди. Чемпионат тугашига 2 тур қолганида Қоҳира клуби мамлакат бош совринини қўлга киритди.
Қизиғи шундаки, “Ал-Аҳли” чемпионат ўйинларининг барчасини хавфсизлик талаблари нуқтаи назаридан Искандария шаҳрида, бўш стадионда ўтказди.
“Ал-Аҳли” голландиялик мураббий Мартин Йол қўли остида шундай натижага эришди. У февраль ойида “Порту” клубига ўтиб кетган Жозе Пезейру ўрнига тайинланган эди. Йол бундан олдин “Тоттэнҳэм”, “Ҳамбург”, “Аякс” ва “Фулҳэм” клубларида ҳам ишлаган.