Испаниянинг «Севилья» клуби Хорхе Сампаолини янги бош мураббий сифатида эълон қилди.
Маълумотларга қараганда, чилилик мутахассис билан 2 йиллик шартнома имзоланган. Сампаолининг сўнгги иш жойи Чили терма жамоаси бўлган ва у жамоаси билан Америка кубоги-2015да чемпионликни қўлга киритганди.
«Севилья» билан кетма-кет 3 марта Европа лигасида ғолиб чиққан Унаи Эмери яқинда клубни тарк этганди. У «ПСЖ»ни қабул қилиб олиши кутилмоқда.