УЕФА бош котиби вазифасини бажарувчи Теодор Теодоридиснинг гапига кўра, Европа чемпионатининг энг намунали мухлисларини тақдирлаш масаласи муҳокама қилинмоқда.

"Ҳозир биз мухлисларни қандай тақдирлаш лозимлиги борасида бош қотирмоқдамиз. Чунки уларни иштирокидаги ажойиб ҳолатларнинг гувоҳи бўлдик. Масалан, Уэльс терма жамоасига мағлуб бўлган Шимолий Ирландия футболчиларини мухлислари ажойиб тарзда олқишлашди. Албатта бундай ижобий ҳолатларни эътибордан четда қолдирмаслигимиз керак. Ҳозирча тақдирлаш қандай бўлиши борасида бир тўхтамга келмадик, лекин бу ишни албатта амалга оширамиз” - деди Теодоридис.