Италия терма жамоасининг бош мураббийи Антонио Конте Евро-2016 чоракфиналидан ўрин олган Германия терма жамоасига қарши ўйиндан олдин ўз фикрларини билдирди.
«Шанба куни Европа чемпионатининг энг яхши терма жамоасига қарши ўйнаймиз. Бу ўйин ҳар томонлама қийин кечади, жуда оғир бўлади. Жисмоний ҳолатимизни тиклаб олишимиз ва Германияга қарши ўйинга жуда яхши тайёргарлик кўришимиз керак.
Тиаго Мотта бизга ёрдам беролмайди, бу катта йўқотиш. Шунингдек Де Росси белидан жароҳат олди. Бу қийинчиликларни енгиб ўтишимиз учун икки ҳисса кўпроқ жонбозлик кўрсатишимиз лозим бўлади», – деди Конте.
