«Тоттенҳэм» ва Бельгия терма жамоаси ҳимоячиси Тоби Алдервейрелд Англия премьер-лигаси тақвимини ўзгартириб, чемпионатда танаффус жорий қилиш кераклигини гапирди.
«АПЛ раҳбарияти Европа ва жаҳон чемпионатларидан олдин танаффус жорий қилиш ҳақида ўйлаб кўриши керак. Биз ҳар куни тинмасдан машғулот қиламиз. Бошқа лигаларда қишки таътил ва танаффуслар бор. Биз эса ўша кунлари машғулот ёки ўйиндамиз. Натижада футболчиларда чарчоқ аломатлари тўпланиб қолади. Англиянинг Евро-2016ни эрта тарк этиши ҳам мана шу сабабга боғлиқ», — деди футболчи Marca хабарига кўра.
