«Глазго Рейнжерс» клубининг футболчиси Жоуи Бартон Англия терма жамоасининг кейинги бош мураббийи хорижлик бўлиши кераклиги ҳақида гапирди.
«Англия терма жамоасини энг яхши мураббийлардан бири бошқариши керак. Маҳаллий мураббийларни бу ишга таклиф қилмаслик керак, акс ҳолда натижалар бундан ҳам ёмон бўлади. Анчелотти ёки Моуриньо энг мақбул вариант бўларди. Яхши мутахассислар ўзимизда кўпайиб қолмагунча, хорижлик мураббийларни таклиф қилавериш керак.
Афсуски Англия терма жамоаси мураббийлар қабристонига айланиб қолди. Терма жамоада ишлаган ҳар бир мураббийнинг кейинги фаолияти барбод бўлмоқда», — деб ёзди Бартон твиттер саҳифасида.
