Хабарингиз бор, Европа чемпионати гуруҳ баҳслари диорасида Испания терма жамоаси Португалия билан бир гуруҳдан ўйин олган ва гуруҳнинг дастлабки ўйинида айнан Криштиану Роналдунинг жамоаси билан баҳс олиб бориб, якунда дурангга эришган эди. Эътиборлиси, бир қатор интрнет нашрларида ушбу ўйиндан сўнг Исландия терма жамоаси сардори Арон Гуннарссон Роналдунинг ёнига келиб у билан форма алмашишни таклиф қилган, Роналду эса буни рад қилган (аслида туннелда алмашамиз деб жавоб берган) деган гап-сўзлар тарқаб кетган эди.

Шундан сўнг, Роналду ўша ўйиндан кейин Исландия терма жамоаси ҳақида фикр билдириб, уларни "мақсадсиз жамоа" деб таърифлаганидан ҳам хабарингиз бор. Якунда эса, Исландия терма гуруҳда Португалиядан юқори иккинчи ўринда якунлаб, нимчорак финалга чиққан бўлса, кеча ўтказилган нимчорак финал ўйинларининг сўнггисида Исландия сенсацион натижа қайд этиб, Англияни мусобақадан чиқариб юборди ва чорак финалга йўл олди.

Юқоридаги воқеаларни умумлаштирган ҳолда сайтимиз карикатурачи рассоми Жавлон Назаров ўзининг навбатдаги карикатурасини яратди. Карикатура шундай номланади: "Форма, алмашамизми?!"
Кўриб ўзингиз баҳо беринг.