Эрон терма жамоаси ҳужумчиси Сардор Азмун Қозоннинг «Рубин» клубидан кетади. Бу ҳақда футболчи instagram'даги саҳифасида маълум қилган.
«Биламан, менинг қолишимни хоҳлайсизлар, лекин...»,- деб ёзади Сардор.
Таъкидлаш жоиз, Азмун ўтган мавсумни Қурбон Бердиев бошчилигидаги «Ростов» таркибида ижарада ўтказди. У Россия чемпионатида 24 ўйинда қатнашиб тўққизта голга муаллифлик қилган. «Ростов»га иккинчи ўрин ва чемпионлар лигасини олиб келган голга ҳам айнан Сардор муаллифлик қилганди.
Азмун «Рубин»да ўйнаб юрган вақтларида унга Мадриднинг «Реал» клуби қизиқиш билдирган эди. Ҳозир эса унинг қайси жамоага ўтиши аниқ эмас.
