Дунёнинг энг яхши ҳакамларидан бири Равшан Эрматов Huawei компаниясининг бренд-амбассадорлари оиласига қўшилди. Энди у Ўзбекистонда бу компаниянинг маҳсулотларини реклама қилиш билан шуғулланади.
Huawei компанияси маҳсулотларини реклама қилувчи бренд-амбассадорлар сафида Лионель Месси, Роберт Левандовски, Хамес Родригес, Алексис Санчес каби футболчилар ҳам бор.
«Huawei брендини Ўзбекистонда танитиш учун мени танлашганидан хурсандман. Бу бренд бутун дунёда футболни тарғиб қилиш билан шуғулланади. Месси, Левандовски ва Санчес каби юлдузлар қаторида элчи бўлиш мен учун шараф», - деди Равшан Эрматов, бу воқеа юзасидан ташкил қилинган матбуот анжуманида.
