Польша терма жамоаси ҳужумчиси Аркадиуш Милик Евро-2016 чоракфиналидан ўрин олган Португалияга қарши ўйиндан олдин ўз фикрларини билдирди.
«Биз бу мусобақада кўп нарсага эриша олдик. Лекин Португалияни ҳурмат қилган ҳолда айтишим мумкинки, уларни бемалол мағлуб эта оламиз. Бу ажойиб футболчиларга эга зўр жамоа. Бироқ эртага 100% кучимиз билан ўйнаб, кейинги босқичга чиқишга ҳаракат қиламиз.
Миллий терма жамоанинг муваффақияти сабабли Польша халқи байрам қилмоқда. Биз уларнинг қўллаб-қувватлашидан хурсандмиз ва умидларини оқлашга ҳаракат қиламиз», — деди Милик УЕФА расмий сайтида.
