"Реал" клуби "Бавария" ҳимоячиси Давид Алаба учун курашда бўш келмоқчи эмас, дея хабар беради AS.
Манбага кўра, Испания гранди Австрия термаси футболчиси учун бу сафар 65 млн евро таклиф қилган. Мадридликлар аввалроқ 50 млн евро таклиф қилган эдилар, аммо "Бавария" бошқаруви раиси Карл-Хайнц Румменигге клуб футболчисидан ажралишни истамаётганини маълум қилган эди. Ҳозирча немислар "Реал"нинг янги таклифига жавоб бермаганлар.
Алаба ўтган мавсумда "Бавария" сафида 30 учрашув ўтказиб, бир гол урган.