Футболдаги мағлубият ғам-алам олиб келади. Лекин, уни ўлимгача етаклаганини эшитганмисиз?
Мураббийнинг мардлиги
Корея халқ демократик республикаси терма жамоа футболчилари 2010 йил Жанубий Африка республикасида бўлиб ўтган жахон чемпионатидан кейин уйга қайтганларида уларни хавфли “сюрприз” кутмоқда эди. Аввало терма жамоа мураббийси концлагерга сургун қилинади. Бу Ким Чен Хуннинг буйруғи эди. Концлагерда мураббий суткасига 14 соат оғир жисмоний ишларга жалб қилинган. Мураббийнинг хатоси унинг терма жамоаси Португалияга 0:7 хисобда ютқазиб қўйганида эди. Ким Чен Хун бу шармандали хисоб учун терма жамоанинг ҳар бир футболчисини отишга ҳукм қилади. Аммо, мураббий айбни ўз бўйнига олиб футболчиларни хаётини сақлаб қолади.
1966 йилда жахон чемпионатида Шимолий Корея футболчилари чорак финалгача етиб боришган. Лекин бу кўрсаткич ҳам уларни жазодан сақлаб қололмаган. Фақатгина биргина хужумчидан ташқари барча терма жамоа футболчилари концлагерга сургун қилинган.
Расво бўлган юбилей
2013 йилда Хитой халқ Республикаси терма жамоаси Таиландга 5:1 ҳисобида ютқазиб қўяди. Ўзларини хўрланган деб ҳис қилган мухлислар футболчилар автобусини тўсиб олиб уларни роса хақорат қиладилар. Автобус мухлисларни “ёриб” ўтиб йўлга тушганда оммавий тўпалон бошланиб кетади. Аксига олиб ўша куни коммунистик партия раҳбари Си Цзинпиннинг 60 йиллик юбилейи нишонланар эди. Бошланган тўпалон байрамни ҳам “боплайди”. Оқибатда терма жамоа мураббийи ва футбол федерацияси раҳбари 10 йилга қамоқ жазосига ҳукм қилинади. Яна жамоанинг 4 нафар футболчисига 6 йилдан қамоқ жазоси берилади. Улар билан бирга бўлган футбол ҳаками Лю Юнни (Осиёнинг энг яхши ҳаками деб тан олинган ва 2002 ЖЧда иштирок этган ) эса ўлим жазоси кутмоқда эди.
Узр мағлуб бўлдик
Нигерия президенти Гудлак Жонатан миллий терма жамоанинг ЖЧ 2010даги мағлубиятидан кейин жиддий чора кўради. У терма жамоага яқин икки йил ичида умуман мусобақаларда иштирок этишни тақиқлайди ва футбол федерацияси ҳамда мухлислардан шахсан ўзи узр сўрайди.
