UzReport сайтининг хабар беришича, телеканал Ямал 401 сунъий йўлдоши орқали тўғридан-тўғри трансляцияларни вақтинча тўхтатиб туради.
Хабарда келтирилишича, бу талаб УЕФА томонидан қўйилган. Бунинг сабабини UzReport сунъий йўлдош сигнали Ўзбекистон ҳудудидан ташқаридаги қўшни давлатлар ва бошқа хорижий мамлакатлар ҳудудларини ҳам қамраб олаётганлиги билан изоҳлади.
«Телеканал техник ходимлари тез орада географик чеклов тизимини ишга тушириши кутилмоқда. Бу чеклов ишга тушганидан сўнг юртимиздаги футбол мухлислари Евро—2016 учрашувларини Ямал 401 сунъий йўлодоши орқали UzReport TV телеканалида томоша қилишда давом этишлари мумкин бўлади», — дейилади хабарда.
Ямал 401 сунъий йўлдоши орқали Евро—2016 турнирини томоша қилаётганлар ўйин бўлиб ўтган куннинг эртасига соат 17:00 дан бошлаб ўша учрашувни такрор эфирда кўришлари мумкин бўлади.
