Испания терма жамоасининг бош мураббийи Висенте дель Боске терма жамоа ва футболдаги фаолиятини якунлаганини эълон қилди.
«Шартномам 31 июлда ўз ниҳоясига етади. Шундан сўнг терма жамоани тарк этаман. Евро-2016 қандай натижа билан якунланишидан қатъий назар бу қарорга келиб бўлгандим.
Испания футбол федерацияси президенти Вильяр терма жамоага бош мураббий танлашда адашмаган, номзодлар бир талай. Бундан буёғига мураббийлик ўриндиғида ўтирмайман, футболни ҳам тарк этаман. Агар ёрдамим керак бўлиб қолса, доим тайёрман», — деди дель Боске AS хабарига кўра.
Висенте дель Боске Испания терма жамоасида 2008 йилдан буён ишлади. Унинг бошчилигида Испания ЖЧ-2010 ва Евро-2012да ғолиб чиқди.
