Аргентина терма жамоасининг собиқ ҳужумчиси Диего Марадона Англия терма жамоасининг Европа чемпионатидаги иштирокига танқидий муносабат билдирди.
"Менинг буни сенсация деб қабул қилмаганим сенсация. Исландияликлар ўйинни назорат қилишди ва рақибларни майдон бўйлаб бесамар югургилашга мажбур қилди, инглизлар рақибга қарши қандай чора кўришни билмай қолишди. Англиянинг турнирни тарк этиши сенсация эмас. Уларга истеъдодлар ва характер етишмайди.
Мен Исландия Франция тўсиғидан ҳам ўта олса, унда ҳайратга тушишим мумкин. Бу кичик мамлакат катта турнирда ўзига хос ҳодисага айланди", - дея Марадонанинг сўзларини келтиради Goal.com.
Эслатиб ўтамиз, Англия турнирнинг нимчорак финалида Исландияга 1:2 ҳисобида мағлуб бўлиб, турнирни тарк этди.
Англия терма жамоаси охирги марта 20 йил муқаддам халқаро турнирда совриндор бўлганди. Ўшанда, 1996 йили Европа чемпионатининг бронза медаллари қўлга киритилганди.
