«Лестер» яримҳимоячиси Нголо Канте «Челси» клубига ўтишни истамоқда, деб хабар беради Telegraph.
Канте билан «Ювентус», «Манчестер Юнайтед» ва «Арсенал» клублари ҳам қизиқмоқда, аммо у «Челси» вариантини маъқул кўрмоқда.
Июнь ойида «Лестер» Кантега ҳафтасига 100 минг фунт маош билан янги шартнома таклиф қилган эди. Аммо футболчи буни рад қилди.
«Челси» Канте билан шартнома имзолашни истаса, «Лестер»га 20 млн фунт тўлашига тўғри келади.