Испания терма жамоаси дарвозабони Икер Касильяс ва бош мураббий Висенте дель Боске ўртасида келиб чиққан можаронинг айрим сабаблари ошкор бўлди.
El Mundo хабарига кўра, Хорватияга қарши ўйиндан олдин Испания терма жамоасининг дарвозабонлар мураббийи Касильяснинг олдига келиб: «Ишлар қалай? Бош мураббий қанчалик тайёр эканингни билмоқчи?» - деган. Касильяс эса кейинги ўйинда дарвозада мени қўйишмоқчи деб тушунган.
Ўйинга беш соат қолганида, радиостанциялардан бирининг эфирида Касильяснинг асосий таркибда майдонга тушиши ҳақида хабар берилган.
Мураббийлар штаби эса журналистларга бундай хабарни Касильяснинг ўзи етказган деб ҳисоблаган ва уни хоинликда айблаган. Чунки бундай маълумотнинг тарқатилиши жамоадаги муҳитнинг ёмонлашувига олиб келиши мумкин деб қаралган.
Натижада, асосий таркибда Де Хеа майдонга туширилиб, Касильяс билан мураббийлар орасидаги муносабат янада ёмонлашган.
