Ўзбекистон чемпионати доирасида ўтказилган "Машъал" - "Насаф" (1:0) ўйинидан кейинги матбуот анжуманининг биринчи қисмида дастлаб “Насаф” устози Рўзиқул БЕРДИЕВ иштирок этди.
"Натижа биз учун қониқарсиз бўлди. Ўйинга катта йўқотишлар билан келгандик. Бу ўз сўзини айтди. Ёш ўйинчиларимизга имкон бердик. Улар ёмон ҳаракат қилишмади. Жамоамиз ҳозир руҳий қийин аҳволда. Буни ўзгартириш керак. Катта ўзгаришлар керакдир. Жамоани бу вазиятдан чиқаришга ҳаракат қиламиз.
“Андижон” билан кубок учрашувидан кейин танаффус бўлади. Бу вақт жамоамизнинг руҳий жиҳатдан тикланишига ёрдам беради деб, ўйлайман" - деди Бердиев.
