Уэльс терма жамоаси ҳужумчиси Ҳэл Робсон-Кану Бельгияга (3:1) қарши ўтказилган ўйиндан сўнг ўз фикрлари билан ўртоқлашди. У ўйиннинг энг яхши футболчиси деб топилди.

«Бу жуда ажойиб лаҳзалар бўлди. Биринчи бўлимдагидек ўйнашда давом этсак, ғалаба қозонишимизни билардик. Биз Бельгия билан сўнгги йилларда бир неча марта ўйнаганмиз, уларга қарши қандай ўйнаш кераклигини яхши билардик.

Ҳис-туйғуларимни таърифлашга ожизман. Сўнгги 6-7 йил давомида қаттиқ меҳнат қилдик. Таркибимизда дунё миқёсидаги ажойиб футболчилар бор, ҳимояда ҳам қоя сингари мустаҳкам туриб бера оламиз. Шунинг учун, бундан ҳам юксак натижаларга эриша оламиз», – деди Робсон-Кану.