Жорий мавсум биринчи даврасини "Навбаҳор" таркибида ўтказган ҳужумчи Олександр Пишчур ва ҳимоячи Игорь Голбан иккинчи даврадан бошлаб "Навбаҳор" сафида ҳаракат қилмайдиган бўлди.
Ушбу футболчилар мавсумнинг қолган қисмини "лочинлар" таркибида ўтказмасликлари "Андижон"га қарши ўйиндан сўнг ойдинлашди. Улар билан ўзаро келишувга кўра шартнома бекор қилинган. "Навбаҳор" украиналик ва россиялик легионерларнинг кейинги фаолиятларида омад тилайди.
Маълумот ўрнида айтиш лозимки, 35 ёшли Пишчур амалдаги мавсумда "Навбаҳор" шарафини 14 ўйинда (1132 дақиқа) ҳимоя қилиб, 5 та гол урган. 25 ёшли Голбан ҳам 14 ўйинда (1159 дақиқа) майдонга тушиб, 2 гол муаллифига айланган.
