Жамоамизнинг жанубий кореялик футболчиси Хюнйеон Чой май ойида солиқ билан боғлиқ муаммоларни ҳал қилиш мақсадида ўз юртига жўнаб кетганди, дея хабар беради "Навбаҳор" клубининг расмий сайти.
Футболчи Кореяга қайтаётганида бир ойдан кейин қайтиб келмаса, клуб билан ўзаро тузилган шартномасини бекор қилинишига қарши эмаслигига розилик билдирганди. Орадан бир ойдан ошиқроқ вақт ўтган бўлсада Чой Ўзбекистонга қайтмади. Айнан шундан келиб чиққан ҳолда жанубий кореялик футболчи билан тузилган шартнома ҳам расман бекор қилинди.
Кеча Олександр Пишур ва Игорь Голбанлар билан ҳам клуб ўзаро ҳамкорликни якунлаганини эълон қилгандик. Легионерлардан айни пайтда "Навбаҳор" таркибида ярим ҳимоячи Владислав Павленко қолмоқда.
