Кеча Европа чемпионати чорак финалининг марказий баҳси бўлиб ўтди. Германия ҳамда Италия терма жамоалари ўзаро баҳслашишди ва ўйин пенальтилар сериясигача чўзилди. Унда немислар 6:5 ҳисобида ғалаба қозонишди.
Таниқли карикатурачи Омар Момани бу ўйинга бағишланган карикатурасини эълон қилди. Унда Боатенг, Нойер, Дзадза ва Буффон тасвирланган.
Боатенг иккинчи бўлимда тўпни қўли билан ўйнади ва оқибатда ҳакам Германия дарвозасига пенальти белгилади. Карикатурада Нойер Боатенгга волейбол тўпини узатмоқда.
Пенальтилар сериясида эса Симоне Дзадза жуда ғалати ҳаракатлар билан сакраб-сакраб тўпга яқинлашди ва ноаниқ зарба йўллади. Шу сабаб Дзадза чигирткага менгзалган.
