Ҳужумчи Альваро Моратанинг "Реал"даги тақдири номаълумлигича қолмоқда.
Мадридликлар июнь ойида 23 ёшли футболчини "Ювентус"дан 30 миллион евро эвазига қайта сотиб олган эдилар.
Моратанинг агенти Хуанма Лопес шу ҳафтада "Реал" раҳбарияти билан учрашиб, вазиятга аниқлик киритади.
As нашри хабарига кўра, Мората жамоада иккинчи ролларни бажармоқчимас ва "Ювентус"дагидан (йилига 4 миллион евро) кўпроқ маош олмоқчи . "Арсенал" клуби эса унга йиллик 9 миллион евро маош таклиф қилмоқда. Аммо "Реал" унинг "Юве"даги маошини бермоқчи.
Мадридликларнинг бош мураббийи Зинедин Зидан жамоанинг Канададаги мавсумолди тайёргарлиги давомида футболчи билан шахсан суҳбатлашмоқчи.
