Россия Федерациясида ЖЧ-2018 ўйинларини томоша қилиш учун ташриф буюрган мухлисларни визасиз киритиш ҳақида қонун қабул қилинди.
Қонунга кўра, бошқа давлат фуқаролари Россия ҳудудига кириш учун мухлис паспорти (fan-ID) га эга бўлишлари шарт. Қонун 2018 йил 4 июндан 25 июлгача, яъни мусобақа бошланишига 10 кун қолганда ва мусобақа тугагандан сўнг 10 кун давомида амал қилади.
Россия ҳудудига кириш учун мухлис паспортидан ташқари шахсни тасдиқловчи ҳужжат ва ўйин чиптаси ёки бу чиптани сотиб олиш ҳуқуқини берувчи бошқа ҳужжат ҳам бўлиши талаб қилинади.
Футболчи, мураббий ва бошқа персонал учун виза режими сақланиб қолинади. Аммо визалар соддалаштиришган қоидалар асосида, яъни узоғи билан уч кун ичида берилади.
ЖЧ-2018 14 июндан 15 июлгача Россиянинг 12та стадионида ўтказилади.
