1news.uz — Ўзбекистон миллий терма жамоаси ва “Локомотив” (Москва) клуби ҳимоячиси Виталий Денисовнинг қиёфадоши Францияда ўтказилаётган Европа чемпионатининг қаҳрамонларидан бирига айланди.
28 яшар Исландия терма жамоаси ва Швейцариянинг “Базель” клуби ярим ҳимоячиси Биркир Бьярнасон Францияга қарши ўтказилган ўйинда жамоасининг бир голига муаллифлик қилди.
Гарчи Исландия Францияга мағлуб бўлиб, мусобақа ярим финалига чиқа олмаган бўлса-да, терма жамоа ўзининг нуфузли қитъа чемпионатида илк қатнашувининг ўзидаёқ сенсацион натижани қўлга киритди.
Биз ҳам Виталий Денисовга терма жамоамиз сафида Россияда бўлиб ўтадиган жаҳон чемпионатига йўлланмани қўлга киритиб, унда исландиялик қиёфадоши каби оламшумул натижага эришишини тилаб қоламиз.
