«Ливерпуль» ҳужумчиси Кристиан Бентеке фаолиятини «Кристал Пэлас»да давом эттириши мумкин. 

The Guardian хабарига кўра, Лондон клуби «Ливерпуль»га янги таклиф билан чиққан.

Энди футболчи учун 27 миллион фунт таклиф қилинмоқда. Аввалги таклиф миқдори 25 миллион фунтга тенг эди, уни «Ливерпуль» рад этган эди. 

Айни вақтда, маблағ миқдори 31,5 миллион фунтгача ошиши мумкин. Бу «Пэлас» учун янги трансфер рекордига айланади. 

Эслатиб ўтамиз, «Ливерпуль» Бентекени «Астон Вилла»дан 32,5 миллион евро эвазига сотиб олган эди. 

«Ливерпуль» таркибида 25 ёшли бельгиялик футболчи 42 учрашувда майдонга тушди, 10 та гол урди ва 6 та самарали тўп узатишни амалга оширди.