«Краснодар» клубининг бош директори Владимир Хашиг жамоа яримҳимоячиси Павел Мамаевнинг ножўя ҳатти-ҳаракатлари борасида баёнот берди.
“ОАВларида клубимиз футболчиси Павел Мамаев ножўя ҳатти-ҳаракатлари борасида хабарлар пайдо бўлгач, шуни маълум қиламизки, бундай хулқ-атвор “Краснодар” футболчисига лойиқ эмас ва биз бунга қараб турмаймиз.
Шартномада кўрсатилган бандга мувофиқ, унга интизомий ва молиявий жазо қўллаймиз. Айни дамда уни ёшлар жамоасига ўтказиб юборамиз», – деди Хашиг.
Эслатиб ўтамиз, бироз олдин, Россия терма жамоаси аъзолари Кокорин ва Мамаев Монте-Карлодаги тунги клубларнинг бирида маст ҳолда 250 минг евро сарфлаб юборишган, яъни нархи 500 евро бўлган шампан виносидан 500та харид қилиб, сўнгра тарқатишганлиги ҳақида хабарлар тарқалганди.
