«Манчестер Юнайтед» клубининг бош мураббийи Жозе Моуриньо Генрих Мхитаряннинг трансфери борасида ўз фикрларини билдириб ўтди.

«Генрих – жудаям қобилиятли футболчи. У клубда ҳам, терма жамоада ҳам самарали ўйин намойиш этган. У ҳақиқий жамоавий футболчи, маҳоратли, майдонни яхши кўрадиган, ҳужумлар якунида фаол иштирок этадиган яримҳимоячи.

Генрих «Манчестер Юнайтед» билан шартнома имзолаганидан хурсандман. У тезда жамоа ўйинига ўз ҳиссасини қўшиб боришига ишонаман. Унинг ўйини премьер-лига учун жуда мос келади», – деди португалиялик мутахассис.