“Левада-центр” нодавлат ташкилоти томонидан ўтказилган сўровномага кўра, Россия фуқаролари орасида терма жамоасини Евро-2016 ғолиби бўлишига ишонаётганлар бор.

23-27 июнь кунлари ўтказилган сўровномада 800дан ортиқ фуқаро иштирок этган ва унда Евро-2016 ғолиби ким бўлади деган савол қўйилган.

Сўровнома якунига кўра, иштирокчиларнинг 10% Германия терма жамоасининг чемпион бўлишига ишонмоқда. Францияни чемпион бўлишига ишонувчилар 4%, Португалия ва Уэльснинг ғолиблигига 1% овоз берилган. 67% қайси жамоани чемпион бўлишини айтишга қийналган.

Қизиғи шундаки, чемпионатни аллақачон тарк этган ёки унда иштирок этиш ҳуқуқига эга бўлмаган терма жамоалар ҳам чемпионлар қаторида санаб ўтилган. Хусусан, Испания (6%), Англия (4%), Италия (2%), Бразилия, Аргентина, Хорватия ва Россия (1%) овоз тўплаган.