Германия миллий терма жамоаси бош мураббийи Йоахим Лёвнинг маълум қилишича, ярим ҳимоячи Бастиан Швайнштайгер Францияга қарши Евро-2016 ярим финал ўйинига тайёр эканини маълум қилди.

«У асосий таркибда тушиши мумкин, у умумий гуруҳда шуғулланди ва чорак финал ўйинида бутун ўйин давомида майдонда ҳаракат қила олишини исботлади», — деди Лёв.

«Бўлажак баҳсда унинг тажрибаси бизга жуда асқотади. Мен асосий таркиб борасида бир қарорга келиб бўлдим ва, агар Бастиан тўлиқ тайёр бўлса, эртага майдонга тушади», — деди немислар устози.

«Баъзи футболчиларимизнинг ярим финалда майдонга туша олмаслиги ачинарли, бироқ биз уларнинг ўрнига муносиб футболчиларни қўямиз. Мен барча футболчиларимизга ишонаман, улар чиройли ўйин кўрсата олишади», — дея қўшимча қилди Германия терма жамоаси бош мураббийи.