Бразилия полицияси футбол учрашувлари натижаларига алоқадор фирибгарликда гумон қилинган етти кишини ҳибсга олди, дея хабар беради Globo телеканали.

Манбага кўра, жиноий гуруҳ регоинал чемпионатларнинг қуйи лигаси жамоалари ўртасидаги учрашувларда келишилган ўйинлар ташкил қилган. Улар ўйинни "топшириш"га рози бўлган мураббий ва футболчиларга пул беришган. Фирибгарлар интернет орқали футбол тотализаторида ставка қўйган Хитой, Малайзия ва Индонезиялик фуқаролар манфаатига хизмат қилган.

Бу гуруҳни қўлга олиш учун очилган иш "Game over" деб аталди. Ҳозирча биргина гумондор - "Америка ди Риу-Прету" клубининг 33-ёшли собиқ дарвозабони Карлос Энрике Франко Лунанинг номи маълум. У ўз айбини тан олмаяпти.