Франция ва Германия Европа чемпионатларида бир-бири билан ўйнамаган. Бироқ жаҳон чемпионатларида тўрт марта тўқнаш келишган.

1. 1958. Франция - Германия 6-3.

ЖЧ-1958да учинчи ўрин учун бўлган баҳсда французларнинг қўли баланд келган. Жюст Фонтен 4та гол урган.

2. 1982. Франция - Германия 3-3 (пенальтилар бўйича 4-5)

ЖЧ-1982 яримфинали. Асосий вақт 1:1 ҳисобида якунланган. Қўшимча вақтда французлар 2та гол уриб, олдинга чиқиб олишган, аммо Румменигге захирадан майдонга туширилгач, Германия ҳисобни тенглаштирган ва пенальтилар сериясида ғолиб бўлган.

3. 1986. Франция - Германия 0-2.

ЖЧ-1986 яримфинали. Франция катта ташаббусга эга бўлганига қарамасдан, немисларнинг ҳимоясини ёриб ўтолмаган. Германия қарши ҳужумда 2 гол уриб, финалга чиққан.

4. 2014. Франция - Германия 0-1.

ЖЧ-2014 чоракфинали. Немисларнинг 13-дақиқада урган тезкор голи ўйинда ягоналигича қолган.