«Рома» ярим ҳимоячиси Ража Наингголан шу кунларда Римда қолишини таъкидлаб ўтди. Шунга қарамай, инглиз матбуоти тарқатаётган хабарларга кўра, «Челси» бельгиялик футболчини қўлга киритиш фикридан воз кечгани йўқ.
Аммо "бўрилар" лондонликларнинг таклифига бир неча марта рад қилишга улгурди. "Челси"нинг янги бош мураббийи Антонио Конте ушбу футболчини жамоага олиб келишни истамоқда. Италиялик мутахассис «Ювентус»да ишлаётганда Наингголанни қўлга киритишни истаганди.