Мюнхеннинг «Бавария» клуби Москванинг «Локомотив» жамоаси хорватиялик марказий ҳимоячиси Ведран Чорлукани сотиб олиш фикридан қайтди.
Москва клуби 30 ёшли футболчи учун дастлаб 7 миллион евро сўраётган эди, кейинроқ Хорватия терма жамоаси аъзосининг нархини 11 миллионгача оширди.
«Бавария» бундай шартларга рози эмас. «Локомотив» талаб қилаётган пулни тўлашга тайёр ягона клуб Москванинг «Спартак»и бўлиб турибди.
Агар Чорлуканинг «Спартак»га ўтиши амалга ошмаса, у «Локомотив»да қолади. Унинг «темирйўлчилар» билан битими 2018 йилга қадар мўлжалланган.
