Францияда ўтаётган Европа чемпионатининг якуни бўйича УЕФА ташкилоти 1,93 млрд евро даромад олади. Бу ўтган мусобақага қараганда 34% кўпдир, деб хабар бермоқда Daily Mail.
Мусобақани ўтказиш учун УЕФА 650 млн евро сарфлади. Терма жамоалар 301 млн евро миқдорида мукофот пули олишади. Евро-2016га ўз футболчиларини қўйиб юборган клублар ўртасида 150 млн евро тақсимланади.
Мусобақа учун барпо этилган иншоотларнинг нархи 1,1 млрд евро, фойда эса - 830 млн еврони ташкил қилади. УЕФА бу даромаднинг 600 млн евросини 55та федерацияларга тақсимлаб беради.
