Франция терма жамоаси яримҳимоячиси Блез Матюиди жамоадоши Антуан Гризманнинг «Олтин тўп» совринини қўлга киритиш бўйича имкониятига баҳо берди.

«Гризманн «Олтин тўп» совринига асосий номзодлардан бири, у ўтган мавсумда ва ушбу мусобақада жуда кўп меҳнат қилди. Агар имкониятим бўлганида, унга овоз берган бўлардим. У жуда зўр ўйнамоқда. Ҳар бир жамоада ҳам бундай қобилиятли футболчи йўқ, бизда эса бор, бундан хурсандман.

Роналду? У ҳам ушбу мавсумни яхши ўтказмоқда, совринга лойиқ иш қилмоқда. Лекин финалда Гризманн – Роналду эмас, балки Франция ва Португалия қарама-қаршилиги бўлади», – деди Матюиди.